“Melvin Platye bizim 5-ci yeni oyunçumuz olacaq. İndi biz komandanın hər bir mövqeyinə futbolçu cəlb etdik”.
Korner.az-ın məlumatına görə, bu sözləri İsveçin “Kalmar” klubunun idman direktoru Tomas Andersson Borstam deyib.
“Neftçi” holland hücumçusunu İsveç klubuna icarəyə verib. Platye tibbi müayinədən keçdikdən sonra “Kalmar”la müqavilə imzalayacaq. Klubun idman direktoru isə onun İsveçə tez uyğunlaşacağına inanır. Borstam bildirib ki, forvardın həyat yoldaşının isveçli olması bu məsələdə onun xeyrinə işləyəcək: “Biz səbirsizliklə Melvinlə əməkdaşlığı gözləyirik. Onu Kalmardakı yeni mühitə alışmağa məcbur edəcəyik. Melvinin həyat yoldaşı isveçlidi. Ona görə də ona bu asan gələcək. Çünki onun İsveç haqqında çox bilgisi var”.
