Topaz Premyer Liqasında 3-cü dövrəyə yekun vurulub.
Korner.az-ın PFL-in rəsmi saytına istinadən verdiyi məlumata görə, 2014-cü ildə baş tutan 9 turun nəticələrinə əsasən “Qarabağ” hamıdan güclü olub.
Ağdam təmsilçisi mümkün 27 xaldan 22-ni qazanıb. İlk “üçlük”də olan “Bakı” və “İnter” də dövrənin qalibi kimi cəmi 1 dəfə məğlub olub. Dövrəni qələbəsiz bitirən yeganə komanda isə AZAL olub.
3-cü dövrədə “Qarabağ” hamıdan çox – 19 qol vurub və ən az – 3 top buraxıb.
Ümumilikdə isə “Sumqayıt” ən az top vuran komanda olub – 5 qol. AZAL isə dövrə ərzində 17 qol buraxıb.
Qeyd edək ki, əvvəlki 2 dövrənin qalibləri daha az xal toplamışdı. “Qarabağ” ilk 9 turu hamıdan çox – 18 xalla tamamlamışdısa, “Qəbələ” 2-ci dövrənin qalibi olmaq üçün 19 xal əldə etmişdi. Bu isə o deməkdir ki, 3-cü dövrənin qalibi 9 tur üçün rekord sayda xal toplayıb.
