"Son 20 gündə çox oyun keçirmişik. 2 gün bundan əvvəl də oynamışdıq".
Korner.az-ın məlumatına görə, bu sözləri "Neftçi" – "Bakı" oyunundan sonra qonaqların çalışdırıcısı Bojidar Bandoviç deyib.
Bandoviç komandasının oyuna gecikməsindən də danışıb: "Avtobusda 3 saat vaxt itirdik. Tıxaca düşmüşdük. Bu səbəbdən oyunöncəsi toplantı keçirə bilmədik. Üstəlik, bizə isinmə hərəkətləri üçün 5 dəqiqə vaxt da vermədilər. Bu, çox is haldı".
Çalışdırıcı komandasının birinci hissədə məhz bu səbəbdən yaxşı oyun göstərə bilmədiyini qeyd edib: "Birinci yarıda erkən qol buraxmağımız işimizi çətinləşdirmişdi. Ancaq ikinci hissədə isə daha yaxşı oynadıq və bərabərliyə nail olduq".