Premyer Liqanın 1-ci turunun qarşıdan gələn “İnter” – “Qarabağ” görüşü hər iki komanda üçün sayca 30-cu olacaq.
“İnter”-“Qarabağ”
29,+9,=10-10, toplar 22-24
Bunadək komandalar bir-birilə 29 dəfə qarşılaşıb, 26 oyun çempionat çərçivəsində keçirilib və 3 görüş isə kubokun payına düşür. “İnter” rəqibini 9 dəfə məğlub edə bilib, “Qarabağ” isə 10 qələbəylə fərqlənib, qalan 10 matçda tərəflər meydandan sülhlə ayrılıblar. Vurulan topların fərqi “Qarabağ”ın xeyrinədir- 24:22.
Komandalar ilk dəfə 2004-cü ilin noyabr ayında çempionat çərçivəsində üz-üzə gəlib. Həmin görüş 3:1 hesabıyla ağdamlıların xeyrinə başa çatıb. “İnter” və “Qarabağ” qarşıdurmasında ilk qolun müəllifi rəqibin forvardı Vadim Vasilyev olub və o, bu qolu penalti zərbəsindən vurub.
Xatırlardaq ki, ötən mövsümdə komandalar dörd dəfə qarşılaşıblar, ilk oyunda 1:1 hesablı heç-heçə ilə başa çatıb. İkinci qarşılaşmasa qolsuz bərabərliklə yekunlaşıb, üçüncü oyunda ağdamlılar 3:2 hesablı qələbəyə seviniblər, dördüncü görüş isə yenidən heç-heçə ilə yadda qalıb – 0:0.
“İnter” – “Qarabağ” oyunlarında ən populyar hesab 1:0-dır. Belə nəticə 29 oyunun 15-də qeydə alınıb. Maraqlıdır ki, qarşılaşmaların tarixində darmadağın hesab qeydə alınmayıb, yalnız iki dəfə komandalara bir-birini 2 top fərqilə qalib gəlmək müyəssər olub.
Azərbaycan Çempionatında “Qarabağ”a qarşı keçirilən ev oyunlarında “İnter” üstünlüyə malikdir. Belə ki, 13 qarşılaşmada komanda 6 dəfə rəqibini məğlub etməyi bacarıb. 5 oyun heç-heçə başa çatıb və 2 dəfə ağdamlılar qələbə qazanıblar. Bu qarşılaşmalarda top fərqi “İnter”in xeyrinədir – 11:7.
Qeyd edək ki, “İnter” – “Qarabağ” matçı avqustun 4-də keçiriləcək. Görüş saat 20.00-da başlayacaq.
