Avropa Liqasında ölkəmizi təmsil edən "Bakı", "Xəzər Lənkəran" və "İnter" bu gün mübarizəyə başlayıb.
Korner.az-ın məlumatına görə, birinci təsnifat mərhələsində mübarizə aparan üç klubumuzdan yalnız "İnter" səfərdə oynayıb.
Klublarımızdan ən tez mübarizəyə "Xəzər Lənkəran" qoşulub. Lənkəran şəhər stadionunda baş tutan matçda "ağ-yaşıllar"ın rəqibi Estoniyanın "Nomme Kalyu" klubu olub. Tarixi ərzində bir mərhələ belə adlaya bilməyən Cənub təmsilçisi estonları məğlub etməklə bu sindiroma son qoymağa çalışdılar. Lakin görüşdə qonaqlar erkən qol vurublar. Ruhdan düşməyən Yunis Hüseynovun komandası ard-arda iki qol vurmaqla hesabda önə keçib. Oyun boyu açıq aşkar üstün olan cənublular bu üstünlüyü sona qədər qoruya bilməyiblər. "Nomme Kalyu" oyunun başa çatmasına 20 dəqiqə qalmış tarazlığı bərpa ediblər. Bununla da "Xəzər Lənkəran"ı Estoniyada çətin mübarizə gözləyir.
Oyun 20:00-da start götürüb.
Səfər meydanında oynayayan yeganə komandamız olan "İnter"də Estoniya təmsilçisi ilə üz-üzə gəlib. "Bankirlər"in rəqibi "Trans" (Narva) olub. Komandamız estoniyalılara sözün əsl mənasında futbol dərsi keçiblər. Daha dəqiq desək Kaxaber Sxadadzenin yetirmələri rəqibini 5 cavabsız qolla məğlub edib. Nəzərinizə çatdıraq ki, bu qələbə Azərbaycan klublarının avrokuboklar tarixində ən böyükhesablı qələbəsidir. "İnter" böyük ölçüdə II tura vəsiqəni təmin edib.
Bu qarşılaşma 20:30-da başlayıb.
Günün ən gec matçı isə Bakıda olub. "Dalğa Arena"da son ölkə kubokunun qalibi "Bakı" Sloveniyanın "Mura" klubunu qəbul edib. Digər təmsilçilərimizin oyunlarından fərqli olaraq bu matçda hesab açılmayıb. Paytaxt təmsilçimizi Sloveniyada zorlu qarşılaşma gözləyəcək.
Qarşılaşma 21:00-da start götürüb.
5 İYUL
20:00. “XƏZƏR LƏNKƏRAN” (AZƏRBAYCAN) – “NOMME KALYU” (ESTONİYA) 2:2
Qollar: Vakui (5), Subaşiç (6), 30 Skarlatake (30), Puri (70)
20:30. “TRANS” (ESTONİYA) – “İNTER” (AZƏRBAYCAN) 0:5
Qollar: Baçana Sxadadze (12) (40), Asif Məmmədov (63), Georgi Adamiya (71), Nizami Hacıyev (78-pen)
21:00 "BAKI" (AZƏRBAYCAN) – "MURA" (SLOVENİYA) 0:0
"Xəzər Lənkəran" : Kamran Ağayev, Eder Bonfim, Manuel Skarlatake, Ruslan Abışov, Elnur Allahverdiyev, Roberto Alviz, Rahid Əmirquliyev, Sadio Tounkara, Rendall Brenes, Adrian Pit, Branimir Subaşiç.
"Bakı" : Aqil Məmmədov – Cəmşid Məhərrəmov (k), İbrahim Karqbo, Denis İvanovs, Edemir Rodriges – Nenad Kovaçeviç, Junior Vilson, Alesandr Soliç, Elvin Məmmədov, Deyvidas Çesnauskis – Marius Verpokovski
“İnter”: . Giorgi Lomaya, Valer Abramidze, Slavço Georgiyevski, Georgi Adamiya, Asif Məmmədov, Vladimir Levin (k), İlia Kandelaki, Brüs Abdullaye, Arif Daşdəmirov, İbrahima Niasse, Baçana Sxadadze
