“İnter Arena”da yerləşən federasiyanın təlim-məşq bazasında Azərbaycan Milli Karate Federasiyası növbəti texniki seminarı təşkil edib. 6-7 mart tarixlərində Şotokan Karate-do üslubunda seminara kata üzrə böyük məşqçi Vahid Ayvazov rəhbərlik edib.
Korner.az-ın məlumatına görə, 2 gün davam edən ilin ilk texniki seminarına müxtəlif regionları təmsil edən nümayəndə və idmançılar qatılıb. Martın 8-də onlardan bir hissəsi “kyu” və “dan” imtahanı veriblər. İmtahan komissiyasının sədri Yaşar Bəşirov təlimatçı və idmançılar arasında fərqlənənəri müvafiq dərəcələrlə təltif edib.
Azərbaycan Milli Karate Federasiyası il ərzində bir neçə texniki seminar təşkil etməyi planlaşdırıb. Növbəti texnki seminar sentyabrda nəzərdə tutulub və təcrübəni artrmaq baxımından bütün təlimatçıların iştirakı mütləqdir.
