“Çelsi” klubu Madrid “Atletiko”sunun hücumçusu Dieqo Kostanı transfer etməkdə israrlıdır.
Korner.az-ın Britaniya mətbuatına istinadən verdiyi məlumata görə, İngiltərə klubu Kosta üçün yenidən Madrid təmsilçisinə müraciət edib.
“Çelsi”nin baş məşqçisi Joze Mourinyo yeni mövsümdən ispaniyalı futbolçunu komandasında görmək istədiyini rəhbərliyə bildirib. London təmsilçisi Kostanın transferi üçün 50 milyon avro ödəməyə hazırdır. Madrid təmsilçisi razılıq verəcəyi təqdirdə 25 yaşlı futbolçu yeni mövsümdən “Çelsi”nin şərəfini qoruyacaq.
Qeyd edək ki, 2010-cu ildən “Atletiko”da çıxış edən Kosta keçirdiyi 87 oyunda 39 qola imza atıb.
