Orxan Sadıqlının etdiyi tərbiyəsiz jestə görə cəzalanmaması barədə “Xəzər Lənkəran” tərəfinin də fikirlərini öyrəndik.
Korner.az-a açıqlamasında cənub klubunun mətbuat xidmətinin rəhbəri Hüseyn Cəbrayıloğlu bu fikirləri bildirdi:
“İlk gündən demişəm ki, Orxan bu hərəkəti edibsə, düzgün etməyib və cəzasını klub tərəfindən də alacaq. Sonra şəkil gündəmə gəldi. Komanda iki günlük istirahətdən sonra bu gün yenidən toplanıb. Orxan öz izahatında bizə bidlirib ki, onu ilk dəqiqələrədən söyüblər və o bunlara reaksiya verməyib. Daha sonra qoruduğu qapının arxasına səs bombaları atılıb və o da nəzarəti itirdiyini bildirib. Arxamda müharibənin, savaşın nəyin baş verdiyini bilmirdim. Əlimi aşağı salaraq mövcud duruma işarə etdim. Azarkeşlərə etmədim. Yoxsa əlimi yuxarı qaldırardım deyə qapıçımız fikirlərini bildirib. Yenə deyirəm bu Orxanın izahatıdı. Bu gün Dənizli gəldikdən sonra məsələ klub daxilində təkrarən müzakirə olunacaq. Məsələ bizim üçün qapanmayıb”.
Qərarın ədalətli və ya ikili standartla verilməsi barədə sualımıza isə klub rəsmisi belə cavab verdi:
“İkili standartın həmişə əleyhinə olmuşam. Əgər bir nəfər maşınla iki nəfəri vurub xəsarət yetirirsə, ona eyni cəza düşməlidi. Əgər biri çöldə gəzir, biri həbsxanada yatırsa bu ikili standartdı. Futbolda da elə olmalıdı. Əgər bir nəfər eyni hərəkəti edib cəza alırsa, verilən cəza hamı üçün eyni olmalıdı. Yenə də deyirəm Orxan məsələsi bizim üçün qapanmayıb”.
