Avropa Liqasının II təsnifat mərhələsinin “Hefle” – “Anortosis” qarşılaşmasında dubla imza atan meydan sahiblərinin forvardı Yakob Orlov İsveç mətbuatına açıqlamasında Bakıya səfərlərindən danışıb.
Korner.az-ın məlumatına görə, “Qarabağ”a III təsnifat mərhələsində rəqib olacaq isveçli futbolçu keçmiş komanda yoldaşlarından Azərbaycana gələnlərin olduğunu, ancaq xoş xatirələrlə qayıtmadıqlarını deyib.
“Keçmiş komanda yoldaşlarımdan Azərbaycana gedən olub. Və onlar bu ölkədən xoş təəssüratla qayıtmayıblar. Ancaq bu. bizim üçün heç nəyi dəyişmir. Biz ora gedəcəyik və qələbəylə qayıtmağa çalışacağıq”.