Güləşçimiz Avropa çempionatının finalında
06.07.2023 , 21:59
![](https://korner.az/wp-content/uploads/2023/07/E90EEA73-066A-4A15-BBE4-5B83068259E4.jpeg)
Azərbaycanın yeniyetmə güləşçisi Esra Məmmədli Macarıstanın Kaposvar şəhərində start götürən U-15 Avropa çempionatında finala yüksəlib.
Korner.az xəbər verir ki, 46 kq-da çıxış edən idmançı ardıcıl olaraq xorvatiyalı Ayla Kadriyi, rumıniyalı Orsolya Sover, rusiyalı Polina Boçkareva və belaruslu Ella Sudkoya qalib gəlib. O, finalda macarıstanlı Mariya Jitovozla güləşəcək.
42 kq-da mübarizə aparan Nəzrin Əhmədli bürünc medal uğrunda Emine Ayrac (Türkiyə) – Mariya Qkika (Yunanıstan) görüşünün qalibi ilə qarşılaşacaq.
58 kq çəki dərəcəsində yarışan Fidan Babayeva təsəlliverici görüşdə rusiyalı Liliya Yermoxinanı sınağa çəkəcək.
39 kq-dakı Əfsanə İslamova isə təsnifat mərhələsində xorvatiyalı Lara Blazekoviçə “tuş”la məğlub olub.
Təsəlliverici və medal görüşləri iyulun 7-də keçiriləcək.
![](https://korner.az/wp-content/uploads/2018/06/korner-logo.png)