Gimnastımız Dünya Kubokunun qalibi oldu
11.03.2023 , 16:59
Azərbaycan təmsilçisi Nikita Simonov Bakıda təşkil edilən idman gimnastikası üzrə Dünya Kubokunun qalibi olub.
Korner.az xəbər verir ki, 27 yaşlı idmançı halqalarla ən yaxşı nəticəyə imza atıb.
Simonov finalda 14.633 xal toplayaraq çempion adını qazanıb. İranlı Mahdi Ahmad Kohani 14.500 xalla ikinci, avstriyalı Vinzenz Hek isə 14.433 xalla üçüncü yeri tutub.
Qeyd edək ki, idman gimnastikası üzrə Dünya Kubokuna martın 12-də yekun vurulacaq.
