Gənclər Liqasının qalibi mükafatlandırıldı
13.05.2024 , 14:52
AFFA Gənclər Liqasında 2023/2024 mövsümü başa çatıb.
Korner.az xəbər verir ki, 33 turdan ibarət çempionatı 75 xalla birinci pillədə tamamlayan “Sabah” 2024/2025 mövsümündə Azərbaycanı UEFA Gənclər Liqasında təmsil edəcək.
Gənclər arasında ölkə çempionatında “Səbail” 65 xalla ikinci, “Neftçi” 64 xalla üçüncü yeri tutublar.
AFFA Gənclər Liqasının ən yaxşı oyunçusu “Sabah”ın futbolçusu Həmzəalı Mikayılov seçilib. Ən məhsuldar futbolçu isə 33 qolla “Səbail”in üzvü Amir Qəribov olub.
Şəkillər AFFA-ya məxsusdur
