FİFA Nigeriya Futbol Federasiyasını (NFF) yenidən diskvalifikasiya edə bilər.
Korner.az-ın məlumatına görə, buna sözügedən futbol təşkilatına yad şəxslərin müdaxiləsi səbəb olub.
Belə ki, oktyabrın əvvəlində FİFA Afrikia ölkəsinin federasiyanın prezidentinin seçkilərini tanıyib və NFF-nin yeni rəhbərinin ünvanına təbrik teleqramını göndərib. Lakin oktyabrın 23-də Djos şəhərində Nigeriyanın Ali məhkəməsi bu seçkilərin etibarsız olduğunu bildirib.
Məhkəmənin qərarı yaxın vaxtlarda ləğv edilməyəcəyi təqdirdə isə ali futbol qurumu “Qara qitə” təmsilçilərini cəzalandıracaq. Əgər Nigeriya Futbol Federasiyası diskvalifikasiya edilsə, onda ölkənin yığma komandası Afrika Millətlər kubokuna buraxılmayacaq.
Qeyd edək ki, FİFA bu il yad şəxslərin müdaxiləsi səbəbindən Nigeriya Futbol Federasiyasını 2 dəfə cəzalandırmışdı.(apasport)
