2023-cü ildə keçiriləcək Afrika Milllətlər Kubokunun vaxtı dəyişdirilə bilər.
Korner.az-ın xarici KİV-lərə istinadən verdiyi məlumata görə, bu barədə FİFA-nın baş katibi Jerom Valke açıqlamasında deyib.
FİFA rəsmisi bunu 2022-ci ilin noyabr-dekabr aylarında Qətərdə dünya çempionatının keçirilməsi ilə əlaqələndirib. O, 2022-ci ilin sonunda mundialın təşkili səbəbindən digər çempionatların keçirilməsini məqsədəuyğun saymayb. Belədə Afrika kubokunun 2023-cü ilin yanvar ayında deyil, iyun ayında keçiriləcəyi ehtimal olunur.
Qeyd edək ki, FİFA-nın Dohada baş tutan iclasında 2022-ci ildə Qətərdə təşkil olunacaq dünya çempionatının yayda deyil, noyabr-dekabr aylarında keçirilməsi qərara alınıb. Bu qərar 19-20 mart tarixlərində İsveçrənin Surix şəhərində keçiriləcək FİFA İcraiyyə Komitəsinin iclasında bir daha müzakirə olunacaq.