Emil Balayevin “Tobol”la müqaviləsinin detalları
29.01.2019 , 11:18
Qazaxıstanın “Tobol” klubu ilə anlaşan “Səbail”in qolkiperi Emil Balayevin müqaviləsinin detalları bəlli olub.
Korner.az vesti.kz saytına istinadən xəbər verir ki, bu keçid üçün “Tobol” “dənizçilər”ə 52 min avro ödəyib. 24 yaşlı əlcək sahibinin illik maaşı isə 200 min dollar olacaq. Millimizin qolkiperi Premyer Liqa klubu ilə iki illik müqavilə bağlayacaq.
Emil Balayev “Neftçi”nin yetirməsidir. O, 2015-ci ildə Almaniyanın “Ayntraxt” klubuna transfer olsa da, rəsmi debüt edə bilməmişdi. Balayev “Səbail”ə 2017-ci ildə “Qarabağ”dan keçmişdi.
