“Barselona”nın braziliyalı müdafiəçisi Daniel Alveş karyerasını İngiltərə çempionatında davam etdirə bilər.
Korner.az-ın məlumatına görə, 32 yaşlı futbolçu ilə “Liverpul” danışıq aparır. “Mersisaydlılar” nəyin bahasına olursa-olsun, Alveşi yayda heyətlərinə qatmağı planlaşdırırlar. Mövsümün sonunda “Barselona” ilə müqaviləsi başa çatacaq braziliyalı yeni klubunun adını özü müəyyənləşdirməlidi. “Çelsi” və “Roma”nın da diqqət mərkəzində olan Alveşin “Liverpul”a keçmək ehtimalı daha yüksək qiymətləndirilir.
Qeyd edək ki, 2008-ci ildən “Barselona”nın formasını geyinən Alveş bu klubun heyətində ümumilikdə 326 oyunda 20 qola imza atıb.
