Azərbaycanın cüdo milli komandasına yeni baş məşqçi təyin olunub.
Korner.az-ın “Report”a istinadən verdiyi xəbərə görə, bu barədə Azərbaycan Cüdo Federasiyasından məlumat verilib.
Avstriyalı mütəxəssis Peter Zayzenbaxer 3 ildən sonra yığmanın baş məşqçi postuna qaytarılıb. Onun təqdimat mərasimi sabah Bakıda olacaq.
Qeyd edək ki, P.Zayzenbaxer 2012-ci ildə keçirilən London Olimpiya oyunlarındakı uğursuzluqdan sonra Azərbaycan milli komandasına baş məşqçi təyin edilib. Azərbaycan idmançısı (100 kq çəki dərəcəsində mübarizə aparan Elxan Məmmədov) onun rəhbərliyi altında ölkə cüdo tarixində ilk dəfə dünya çempionu olub. P.Zayzenbaxer 2014-cü ilin əvvəllərində maliyyə məsələlərində razılığa gələ bilmədiyi üçün Azərbaycan Cüdo Federasiyasının əvvəlki rəhbərliyi ilə yollarını ayırıb.
