Con Benjamin Toşak Türkiyə mətbuatına iyulun 21-də “Xəzər Lənkəran”ın “Fənərbağça” ilə keçirəcəyi yoldaşlıq oyunu öncəsi fikirlərini bildirib.
Korner.az-ın məlumatına görə, “Cihan” xəbər agentliyinə danışan uelsli çalışdırıcı bu oyuna ciddi hazırlaşdıqlarını deyib.
Türkcə ”Qalatasaray” özəl, “Fənərbağça” çox gözəl, amma ən böyük “Beşiktaş” – deyən Toşak “Fənərbağça” ilə “Beşiktaş”ın UEFA-yla yaşadığı problemlərin kökünü bilmədiyi üçün şərh verməkdən çəkinib.
Türkiyənin DÇ-2014-ün final mərhələsinə vəsiqə qazanmasını çox arzuladığını ifadə edən uelsli mütəxəssis deyib ki, “Əgər illər əvvəl Madrid “Real”ından təklif almasaydım, uzun müddət Türkiyədə işləyərdim. Türkiyə millisinin DÇ-də işləri qaydasında deyil, amma final mərhələsinə vəsiqə qazanmasını çox istəyirəm.
Toşak “Xəzər Lənkəran“ın Avroliqa şanslarını da dəyərləndirib: “İsrail klubu çox ciddi rəqibdi. Amma biz yenə də mərhələ adlayacaq gücdəyik. Mövsümi səbəblər ucbatından komandam tam hazır deyil. Səfərdən münasib nəticəylə qayıtsaq, möhtəşəm azarkeşlərimizin də dəstəyi ilə “Makkabi” səddini keçəcəyik”.
