"Neftçi"də artıq heç kim məni tanımır. 2 aya yaxındı ki, futboldan uzaqlaşmışam. Fan-klubun yerləşdiyi ofisin icarə haqqını ödəyə bilmədiyimə görə məni bölməyə aparmışdılar. Daha sonra vaxt qoydular.
Artıq heç bir şeyim qalmayıb. Hətta üzüyümü satmışam".
Bu sözləri Korner.az-a açıqlamasında “UltraAslan” və "UltraNeftçi" fan-klublarının rəhbəri Ceyhun Əzizli deyib.
Əzizli rəhbərlik etdiyi qurumların maddi çətinlik yaşadığını da bildirib:
"Çox danışsam, məni bu ölkədə yaşamağa qoymazlar. Klublarımızın avrokuboklarda çıxışı zamanı, voleybol, həndbol yarışlarında onlara daim dəstək olacağıq. Maddi cəhətdən çox sıxıntı keçiririk. Ona görə də əvvəlki kimi dəstək verə bilməyəcəyik. Çalışıram, futbol biliyimi uşaqlara öyrədim. 7-12 yaşadək uşaqları yığıram. Bir gün haqq-ədalət öz yerini tapacaq".
