FIFA U-17 Qadınlararası Dünya Çempionatının açılışı ilə əlaqədar Bakıya təşrif buyuracağı gözlənilən dünya şöhrətli müğənni Cennifer Lopezin gələcəyi gün öncə ictimaiyyət üçün gizli saxlanılırdı.
Korner.az- ın məlumatına görə, artıq tam müğənni Bakıya təşrif buyurub və hazırda istirahət edir.Lopezlə birlikdə onun 60 nəfərlik komandası da Los-Ancelesdən Bakıya gəlib. Bununla yanaşı, qeyd edək ki, bir neçə gün əvvəl 500 nəfərlik işçi heyəti konsertin hazırlığı üçün paytaxta gəlmişdi. Səfər çərçivəsində müğənninin Bakıyla tanışlığı və gəzintiyə çıxması nəzərdə tutulur.
Lakin maraqlıdır ki, Cennifer Lopez seçdiyi otelin rəhbərliyi qarşısında böyük tələblər – kaprizlər qoyub.
Sentyabrın 21-i gecə saat 3 radələrində Heydər Əliyev adına Hava Limanına enən Cennifer Lopez buna qədər paytaxtda bir sıra otellərə onlayn nəzər yetiribmiş. Lakin sonda Lopez “JW Marriott Absheron Baku Hotel”ni seçib.
Mənbəmizin söylədiyinə görə, ulduzun gəlişinə təxminən 1saat qalmış1təyyarə ilə onun yalnız şəxsi baqajı gəlib.
Mənbəmiz əlavə edib ki, ulduz yalnız prezidentski otaqda qalacağı təqdirdə buna razılıq verib. Üstəlik, tələb edib ki, pəncərəsi yaşayış binalarına baxmasın, otağında iPhonun adapteri yatacağı çarpayıdan solda, iPodunun adapteri isə sağ tərəfdə olsun… Çəkələkləri çarpayısının sol tərəfində qoyulmalıdır… Qalacağı otağın döşəməsi gül ləçəklərinə bürünməlidir. Baqajı isə ayrıca – lyuks bir nömrəyə yerləşdirilməlidir…
Bir saatdan bir libasını dəyişdirəcəyini söyləyən CenniferLopez bunun üçün oteldə qaldığı müddətdə ona xüsusi – yüksək parametrlərə malik paltaryuyan maşın ayrılmasını da istəyib…
Bundan əlavə o, deyib ki, qalacağı otaqda ən bahalı (brend) içkilər olmalıdır…
Müğənni daha bir maraqlı açıqlama verib: “Mən lyuks nömrədə qaldığım kimi, məni müşayiət edən dəstə də ən yüksək şəraitə malik otaqlarda qalmalıdır…
Nəzərinizə çatdıraq ki, tanınmış müğənni sentyabrın 22-də Tofiq Bəhramov adına Respublika stadionunda, sentyabrın 23-də isə «Baku Crystal Hall»da çıxış edəcək.
xəbərlə.com
