Son Çempionlar Liqasının qalibi İngiltərənin "Çelsi klubu 60 min nəfərlik yeni stadion tikəcək. Korner.az-ın məlumatına görə, bu məqsədlə klub Londonun cənubunda Temza çayı sahilindəki “Battersea” Elektrik Stansiyasını alıb.
Stansiyanın 4 bacası stadion layihəsinin bir parçası olacaq. Hələlik bütün gərəkli sənədlər hazırlanmasa da, stadion layihəsi indidən hazırdır.
Qeyd edək ki, “Çelsi”nin hazırkı ev arenası sayılan “Stemford Bric” 42 min tamaşaçı tutumuna malikdir.
