PSJ mövsümün sonunda Eden Hazardı heyətinə qatacaq.
Korner.az-ın məlumatına görə, bu iddia ilə Fransanın “France Football” dərgisi çıxış edib. Həmkarlarımızın iddiasına görə, PSJ bu transfer üçün “Çelsi”yə 80 milyon avro ödəyəcək.
Qeyd edək ki, Hazardın PSJ-yə keçəcəyi ilə bağlı bir müddət əvvəl də xəbərlər yayılmışdı. Lakin futbolçu özü bu informasiyanı təkzib etmişdi: “Hər transfer mövsümündə belə xəbərlər yayılır. Həmişə məni harasa göndərirlər. PSJ böyük klubdu və çoxlu pulu var. Amma mən indi “Çelsi”nin futbolçusuyam və ayrılmaq şansım yoxdu. Heç özüm də getmək istəmirəm. Çünki “Çelsi” özümü inkişaf etdirmək üçün ən yaxşı yerdi”.
