Topaz Premyer Liqasının VIII turunun son oyunu keçirilib. “Neftçi” səfərdə “Səbail”lə qarşılaşıb. Görüş “flaqman”ın böyükhesablı qələbəsi ilə yekunlaşıb.
Oyundan sonra keçirilən mətbuat konfransında “Neftçi”nin baş məşqçisi Tərlan Əhmədov matç haqda fikirlərini bildirib:
“Bu qələbə bizə lazım idi. Komanda düşdüyü qara zolaqdan çıxır. Amma bu qələbələr bizi eyforiyaya aparmamalıdır. Doğrdur, sevinirik, komandada özünəgüvən artır. Ancaq qarşıda bizi daha çətin qarşılaşmalar gözləyir. Bəzi problemlərimkz var. Petrovun olmamasına görə məcbur bəzi dəyişikliklər etdik. Meza Kollinin qırmızı vərəqəsindən sonra da pis duruma düşdük. Çalışırıq ki, problemləri düzəldək, ancaq yeniləri ortaya çıxır“
Mütəxəssis daha sonra jurnalistlərin sualların cavabanlandırıb:
– Meza Kolli qırmızı vərəqə aldığı epizoda görə komanda daxilində cəzalanacaqmı?
– Hələki epizodu dəqiq görməmişəm, amma baxacam. Əvvəlki işlədiyim yerlərdə demişəm ki, son ümid faulunə görə futbolçuya cəza vermirəm. Ancaq futbolçunun digər səbəbdən qırmızı vərəqə alması cəzasız qalmır. Meza Kollinin günahı varsa, kodeksə uyğun cəza verəcəm
– Fiziki hazırlıq üzrə məşqçi nə zaman təyin olunacaq?
– Bir namizədimiz var. Noyabr ayınının ortalarına kimi bu məsələ həllini tapacaq.
– Sizi hansı detal daha çox narahat edir?
– Bəzi məqamlar var idi ki, məni narahat edirdi. Qruplaşma məsələsi var idi ki, onu aradan götürmüşəm. Uşaqların özünəinamı artır. Futbolçu çatışmazlığı var. Elə oyunçular var ki, hələ əsas heyət üçün hazır deyil. Bəzi mövqelərdə alternativim yoxdu. Elə mövqe var ki, 3-4 oyunçu var, eləsində isə cəmi bir seçim şansımız var.
