Topaz Premyer Liqasının VIII turunun son oyunu keçirilib. “Neftçi” səfərdə “Səbail”lə qarşılaşıb. Görüş “flaqman”ın böyükhesablı qələbəsi ilə yekunlaşıb.
Oyundan sonra keçirilən mətbuat konfransında “Səbail”in baş məşqçisi Samir Əliyev matç haqda fikirlərini bildirib:
“Məğlubiyyətdən sonra oyunla bağlı danışmaq çətindi. Hesab daha da böyük ola bilərdi. Çempionatda ən bərbad oyunumuzu oynadıq. “Neftçi” daha yaxşı oynadı“
– Oyunun qırılma nöqtəsini erkən qol hesab etmək olarmı?
– Ola bilər. Oyunun gedişatı hər şeyi göstərirdi. Birinci dövrədəki məğlubiyyətin əvəzin çıxmağa çox istəkli idilər. “Neftçi” futbolçularının ustalıq səviyyəsi bizdən daha yüksəkdi.
– Sizcə, rəqib gözlənilməz oynadı, ya sizdə müəyyən planlar alınmadı?
– “Neftçi” daha sürətli oynadı. Hər oyun bizim üçün təcrübədir. Gözlənilməz oyun oldu. “Neftçi” yüksək templə oynayırdı. Mənə hazırda danışmaq çətindi.
– Sizi bəxtsiz məşqçi hesab etmək olarmı?
– Karyeram yeni başlayır. Məncə bunu demək hələ tezdir. Ola bilməz, bir ildən sonra daha çox dəyişikliklər olsun. Mövsümün əvvəlində saya üstünlük verdik, ancaq keyfittə o səviyyədə deyil. Futbolçuların hamısın mən dəvət etmişəm. Qarşıdan transfer pəncərəsi gəlir. Planda var ki, 5-6 futbolçunu komandadan azad edək və yeni futbolçular cəlb etmək.
