Bu gün "Neftçi" komandasının baş məşqçisi Böyükağa Hacıyev "Qarabağ"la matç öncəsi media nümayəndələrinin suallarını cavablandırıb.
Korner.az-ın məlumatına görə, konfransda komandanın futbolçuları Elvin Yunuszadə və Flavinyo da iştirak ediblər. Saytımızın əməkdaşının Elvin Yunuszadəyə verdiyi "müdafiədə komanda yoldaşlarının olmamasının məsuliyyəti sənin üzərinə düşür bu məsuliyyətin öhdəsindən gələ biləcəksənmi, səncə?" sualına futbolçudan əvvəl komandanın baş məşqçisi Böyükağa Hacıyev cavab verib:
"O, əlbəttə ki bu məsuliyyəti dərk edir. Yoxsa mən onu həmin oyunda oynatmaram. Həm də milliyə dəvət alıb. Gedib üzümü qara edib gələcəksə mən onun başını kəsərəm (gülür)".