Böyükağa Hacıyev “İnter”lə oyunla (2:2) bağlı fikirlərini bildirib.
Korner.az-ın məlumatına görə, “Neftçi”nin baş məşqçisi 3 müdafiəçini və Saşa Stamenkoviçi tənqid edib:
“Gərgin oyun oldu, hesabda iki dəfə geri olsaq da, heç-heçə etdik. Müdafiəçilərin cəzalı olması oyunumuza təsir etdi. Elvin Yunuszadə, Tərlan Quliyev və Denis Silvanın oyunu məni qane etmədi. 11 metrlik cərimə zərbəsi verilirsə, vərəqə də verilməli idi. Bir sıra legionerlərin oyunu məni qane etmədi. Üç əvəzetmənin hamısı özünü doğrultdu. İrəlidə 14 oyun var, aradakı xal fərqini azaltmağa çalışacağıq. İki standard vəziyyətdən qol buraxdıq. Saşa Stamenkoviç hər iki topu götürməli idi. Buraxılan qollarda müdafiəçilərin də günahı var idi. “İnter”in sonuncu dəfə “Neftçi”ni nə vaxt məğlub etdiyi yadıma gəlmir. Ona görə də, “İnter” 2 xal itirmədi, 1 xal qazandı”.