“Bu, komandamızın ən yaxşı oyunlarından biri idi. Çox çətin sınaqdan üzüağ çıxan komandamı meydanda etdiyinə görə təbrik etmək istərdim”.
Korner.az-ın məlumatına görə, bu sözləri Albaniyanın “Skenderbeu” klubunun prezdenti Ardian Takay bildirib.
Bakıdakı çətin oyunda “Neftçi”ilə heç-heçə oynayan “Skenderbeu” klubunun prezdenti bunu komandasının əzmkarlığı nəticəsində qazanılan uğurlu nəticə hesab edir:
“Futbolçular meydanda bütün güclərini qoydular və bunun mükafatını qazandılar. Mən əvvəl demişdim ki, komandamız çox yaxşıdır və yoxlama oyunlarında nəticələrə əsasən fikir yürütmək olmaz. Mən müsbət nəticə gözləyərək bura gəlmişdim. Komanda böyük iş gördü. Hamı yaxşı oynadı. Biz ilk hissədə rəqiblə müqayisədə daha hegemonluq etdik”.
Ardian Takay Korçada baş tutacaq cavab görüşü haqda fikirlərini də bildirib:
“Korçada azarkeş kütləmiz qarşısında oynayacağıq və digər çoxlu üstünlüklərimiz də olacaq. Siz daha bir müsbət nəticə görəcəksiniz. Şübhəsiz ki, çətin, ancaq daha münasib oyun olacaq. Yəqin ki, rəqibi keçmək şansımız 51-49 bizim xeyrimizədir”.
