“Uzun bir yol keçdik. Futbolçularım əzmkarlıq göstərdilər. 0:2 hesabı ilə geridə olduğumuz halda, 1 xal qazana bildik. Bizə dəstək olan hər kəsə təşəkkür edirəm. Onları təbrik edirəm. Qismət olsa, bir də belə “Rəvan” görməyəcəksiniz. Daha baxımlı oyun sərgiləyən, daha iddialı klub görəcəksiniz. Çox sevincliyəm. Deyiləsi sözüm yoxdur. Bu, bizim son şansımız idi”.
Korner.az-ın məlumatına görə, bu sözləri “Rəvan”ın baş məşqçisi Bəhmən Həsənov Topaz Premyer Liqanın 36-cı-sonuncu turunda “Xəzər Lənkəran”la matçdan (2:2) sonra deyib.
O, “Xəzər Lənkəran”ın qapısına təyin edilən penalti haqda da danışıb:
“İnanın ki, çox əsəbi idim. Penalti epizodunu görə bilmədim. Amma tirdən dönən qolumuz da sayılmadı. Top qapı xəttini keçmişdi. Nə edəcəyimi bilmirdim. Bilsəydim ki, Premyer Liqada oynamayacağıq, bu oyuna gəlməzdim. Mənə rəhbərlik tapşırıq verib ki, növbəti mövsüm üçün heyəti hazırlayım. Mən də demək olar ki, 80 faiz heyəti formalaşdırmışam. Yasin Həmidlə də 1 illik müqavilə imzaladıq. Yəqin Premyer Liqada oynamaq ümidimiz olmasaydı, belə tapşırıq almazdım. Biz öz oyunumuzla elitada qalmaq istəyirdik”. (qol.az)
