Çempionlar Liqasının pley-off mərhələsinin cavab oyunları öncəsi Premyer Liqada çətin oyun keçirən “Arsenal” Liverpulda “Everton”un qonağı olub (2:2).
Korner.az-ın məlumatına görə, bu qarşılaşma da londonlular üçün zədəsiz ötüşməyib. Gibbs, Arteta, Koşinlinin ardından hücumçu Olivye Jiru da sıradan çıxıb. Dünənki oyunun son dəqiqələrində fərqlənərək komandasını məğlubiyyətdən xilas edən Jiru oyunun başa çatmağına saniyələr qalmış ayaq biləyindən zədə alıb.
Beləliklə, “Arsenal” “Beşiktaş”ı böyük itkilərlə qəbul edəcək. Belə olacağı halda isə “Beşiktaş”ın qrup mərhələsinə qalma şansı daha da artır.
Xatırladaq ki, “Emireyts”də keçiriləcək oyunda Aron Remzi də iştirak edə bilməyəcək.
