“Portuqaliyanı təbrik edirəm. Rəqib güclü oynadı. Biz istəmədən onlara qol vurmaları üçün şərait yaratdıq. Dörd gündə iki oyun oynamaq çətindir".
Korner.az- ın məlumatına görə, bu sözləri Portuqaliya ilə oyundan sonra keçirilən mətbuat konfransında millimizin baş məşqçisi Berti Foqts deyib. Onun fikrincə ikinci hissədən sonra komandamız çatdıra bilməyib.
"Biz çoxlu səhvlərə yol verdik. 70-75-ci dəqiqədən sonra komanda fiziki olaraq çatdıra bilmədi. Mənim komandam üçün asan deyildi.
Ümid edirəm ki, bizim futbolçular öz səhvlərindən nəticə çıxaracaq. Portuqaliya güclü rəqibdir. Belə komandalarla oyunda komandamız təcrübə yığır. Komandada hansısa oyunçunu xüsusi olaraq fərqləndirmək düzgün olmazdı. Udanda da, uduzanda da komanda şəklində çıxış edirik"
