"Yaponiya yığması ilə qarşılaşmaq bizim komanda üçün böyük əhəmiyyət kəsb edir. Çünki rəqibimizin heyətində çox yaxşı futbolçular var və düşünürəm ki, müəyyən şeyləri onlardan öyrənməliyik".
Korner.az-ın məlumatına görə, bu sözləri Azərbaycan milli komandasının baş məşqçisi Berti Foqts deyib.
Yaponiya ilə oyunöncəsi mətbuat konfransı keçirən almaniyalı mütəxəssis bu matçın komandası üçün böyük təcrübə olacağını bildirib: "Yaponiya yığmasından yüksək səviyyəli oyun gözləyirəm. Bu qarşılaşma bizim üçün dünya çempionatının seçmə mərhələsinə hazırlıq yolunda böyük təcrübə olacaq".
