Azərbaycan millisinin baş məşqçisi Berti Foqts ölkəsinin ən köklü klublarından olan "Bavariya"nın vergidən yayınmaqda ittiham olunması ilə bağlı danışıb.
Korner.az-ın məlumatına görə, alman mütəxəssis “Bavariya”nın prezidenti Uli Hönessə və Münhen klubuna dəstək verib: “Mən həmişə Hönessin tərəfində olacam. O, elə yaxşı insandır ki… Həmişə də başqaları üçün çalışıb. Bundan başqa heç bir şərh verməyəcəm”.
Qeyd edək ki, Foqtsla Höness Almaniya yığmasında birlikdə çıxış etdikləri vaxt 1972-ci ildə Avropa, 1974-cü ildə dünya çempionu adını qazanıblar.
