İngiltərə yığmasının, “Mançester Yunayted” və Madrid “Real”ının keçmiş yarımmüdafiəçisi Devid Bekhem ehtiyacı olan və xəstəlikdən əziyyət çəkən uşaqlara yardım kampaniyasına qoşulmaq istəyir.
Korner.az-ın məlumatına görə, o, bunları deyib:
“Futbolçu karyeramı artıq bitirmişəm. Buna görə də, indi daha çox boş vaxtım var. Həmin vaxtımı xeyriyyə işlərinə sərf etmək istəyirəm. İstəyirəm ki, övladlarım öz ataları ilə fəxr etsinlər”.
Qeyd edək ki, Bekhem karyerası ərzində, həmçinin “Milan”, “Los Anceles Qalaksi” və PSJ klublarının da formasını geyinib.