“Barselona”nı sildi, “Mançester Yunayted”i yazdı
31.07.2018 , 19:22
“Barselona”nın müdafiəçisi Yerri Mina komandadan ayrılmaq üzrədir.
Xarici KİV-lərin yaydığı məlumata görə, kolumbiyalı futbolçu şəxsi “İnstagram” hesabında kataloniyalıların oyunçusu olması ilə bağlı məlumatları silib, əvəzində isə “Mançester Yunayted”in rəsmi səhifəsini izləyib.
“Mançester Yunayted” Mina üçün “Barselona”ya 40 milyon avro təklif edib.
Qeyd edək ki, 23 yaşlı futbolçu bu ilin yanvar ayından “Barselona”da çıxış edir. O, bu müddət ərzində 5 La Liqa oyununa çıxıb. Mina son dünya çempionatında Kolumbiya millisinin heyətində 3 oyuna 3 qol vurub.
