Qana əsilli ailənin uşağı olan Mario Balotelli AVRO-2012-də başqa bir adla çıxış edəcək.
Korner.az-ın məlumatına görə, "Mançester Siti"nin və İtaliya millisinin hücumçusu maraqlı qərar qəbul edərək AÇ-ı turnirində Barvuahi adı altında oynayacaq. Futbolçu UEFA idarəçilərindən çıxış edəcəyi futbolkasının arxasına Barvuahi Balotelli adını yazdırmaq istədiyini bildirib. Onlar da bu istəyi məqsədə uyğun hesab ediblər.
Balotellinin yeni adından "Mançester Siti"də istifadə edib etməyəcəyi maraq doğuran məqamlardandır.
