.jpg)
Premyer Liqanı 3-cü pillədə başa vuran “İnter” klubu bir sıra statistik göstəricilərlə yadda qalıb.
Korner.az-ın klubun rəsmi saytına istinadən verdiyi məlumata görə, “İnter”in bombardiri Unibank Premyer Liqada 29 qarşılaşmada 7 qol vurmuş gürcüstanlı hücumçu Baçana Sxadadze olub.
Qeyd edək ki, Baçana 6 qoldan yalnız birini, “Simurq”la oyun zamanı penalti nöqtəsindən vurub. Daha maraqlı bir xüsusiyyət də B.Sxadadzenin qol vurduğu oyunları “İnter”in qələbə ilə yekunlaşdırmasıdır.
Belə ki, forvard “Neftçi”ilə (2 dəfə), “Xəzər Lənkəran”la, “Simurq”la, “Sumqayıt”la, həmçinin “Bakı”ilə oyunlarda fərqlənib və bütün bu qarşılaşmalarda “İnter” 3 xal toplayıb. Baçananın “Qarabağ”la oyunun son matçında vurduğu daha bir qolu isə komandanı məğlubiyyətdən xilas edib.
Bundan sonra aktivində 5 qolla Nizami Hacıyev gəlir. O, “Xəzər Lənkəran”ın, “Qəbələ”nin (2 dəfə), “Turan”ın və “Kəpəz”in qapıçılarını məyus edib. Mövsümdə 3 dəfə İbrahima Niasse də fərqlənib. Vladimir Levin, İlia Kandelaki, Elnur Abdulov və Samir Zərgərov hərəyə 2 qol vurublar
