“Bəzi futbolçulara da suallarımız olacaq” – Elxan Məmmədov
22.11.2019 , 18:40
“AFFA rəhbərliyi də milli komandamızın seçmə mərhələdəki çıxışından razı deyil. Bizim də suallarımız çoxdur. İcraiyyə Komitəsində bütün məsələlər müzakirə olunacaq”.
Korner.az xəbər verir ki, bu sözləri AFFA-nın baş katibi Elxan Məmmədov deyib.
Azərbaycan radiosu və “İdman” kanalının müştərək yayımı “Extra Time” proqramında qonaq olan Məmmədov baş məşqçi ilə yanaşı, bəzi futbolçularla da müzakirə aparılacağını bildirib:
“Baş məşqçi ilə yanaşı, bəzi futbolçulara da suallarımız olacaq. Bəzi futbolçularımız bacarıqlarının 100 faizini meydanda göstərmirlər. Demirəm bilərəkdən oynamırlar, bəlkə hansısa yorğunluq, yaxud psixoloji təzyiq var. Həmin futbolçularla söhbətimiz olacaq. Amma təbii ki suallarımızın əsası baş məşqçiyə yönələcək. Milli ölkənin əsas komandasıdır. İldə yığmanın iştirakı ilə cəmi 5 oyun olur. Futbolçular gücünün 100 faizini meydanda qoymalıdırlar”.
