.jpeg)
Bu gün FIFA U-17 qadınlararası dünya çempionatı Azərbaycan 2012 start götürəcək.
Korner.az-ın AFFA-nın rəsmi saytına istinadən məlumatına görə, çempionatın ilk oyunu saat 17:00-da, Tofiq Bəhramov adına Respubika stadionunda Nigeriya və Kanada yığmaları arasında keçiriləcək.
Saat 18:30-da açılış mərasimi, saat 20:00-da isə Azərbaycan – Kolumbiya qarşılaşması başlayacaq. Açılış mərasiminə və yığmamızın ilk oyununa təşrif buyuracaq azarkeşlərdən xahiş olunur ki, FIFA-nın tələblərinə və təhlükəsizlik qaydalarına uyğun olaraq tribunalarda yerlərini saat 18:00-a qədər tutsunlar. Bu gün Tofiq Bəhramov adına Respublika stadionunda ilk oyun saat 17:00-da keçiriləcəyi üçün arenanın qapıları saat 15:00-dan etibarən açıq olacaq.
