"Bakı" Futbol Klubu ötən gün U-15 liqanın “Neftçi”yə qarşı keçirilən final oyununda yaşananlarla bağlı rəsmi açıqlama yayıb. Bəyanatda bildirilir ki, "Neftçi" tərəfi təkcə "Bakı" ilə deyil, AZAL rəhbərliyinə də, hörmətsizlik edib. Bununla bağlı AZAL-ın mətbuat katibi Eldəniz Yusifovla əlaqə saxladıq. Klub rəsmisi Korner.az-a açıqlamasında bunları dedi:
"Belə bir halla rastlaşmamışıq. Ümumiyyətlə, "Neftçi" AZAL rəhbərliyinə hörmətsizlik etməyib. Bizim həm "Neftçi", həm də digər Premyer Liqa klubları ilə yaxşı münasibətlərimiz var".
