AZAL-ın futbolçusu Edu ciddi zədələnib.
Korner.az-ın məlumatına görə, bu xəbər klubun rəsmi saytında yazılıb. Tam adı Eduardo Konseysao Masiel olan braziliyalı oyunçu XIX turda əvəzedici komandanın heyətində “Neftçi”yə qarşı görüşdə sıradan çıxıb. Həmin matçda hesabı açan Edu ikinci yarının əvvəlində meydanı xərəkdə tərk edib.
MRT müayinəsindən sonra onun sağ dizinin ön çarpaz bağlarında tam qopma aşkarlanıb. Bu isə braziliyalının mövsümü başa vurması deməkdir. Yaxın günlərdə Edu əməliyyat olunmaq üçün Türkiyəyə getməli olacaq.
