Azərbaycan Kuboku: Mətbuat konfranslarının vaxtı açıqlandı
31.05.2024 , 13:31
“Qarabağ”la “Zirə” komandaları arasında baş tutacaq Azərbaycan Kubokunun final oyunundan öncə keçiriləcək mətbuat konfransları və açıq məşqlərin vaxtı müəyyənləşib.
Korner.az xəbər verir ki, əvvəlcə nominal meydan sahibi “Qarabağ”ın baş məşqçisi Qurban Qurbanovun mətbuat konfransı olacaq və saat 16:30-da başlayacaq.
“Zirə”nin baş məşqçisi Rəşad Sadıqov isə 17:30-da jurnalistlər qarşısına çıxacaq. “Qartallar”ın media üçün açıq məşqi saat 18:00-da start götürəcək.
Qeyd edək ki, oyunöncəsi mətbuat konfransları və açıq məşqlər iyunun 1-də, final matçı isə 2-də “Liv Bona Dea Arena”da keçiriləcək.
