Azərbaycan Akademik Assosiasiyasının təşəbbüsü ilə Avstriyanın “İron Fist Gym” klubunun tərkibində “Xocalı” adlı kikboksinq komandası yaradılıb.
Korner.az-ın xəbərinə görə, komandanın əsas məqsədi Xocalı soyqırımı ilə bağlı Avstriya və Avropada təbliğat aparmaq, faciənin soydaşlarımız arasında unutdurulmamasına çalışmaqdır. Vyanada məşq edərkən komandanın üzvləri üzərində “Xocalıya ədalət” sözləri yazılan t-şörtlər geyinir. Bu isə məşqi izləyənlərdə maraq oyadır, onlar idmançılarımızda Xocalı ilə bağlı məlumat alır.
Komanda Heydər Əliyev Fondunun vitse-prezidenti Leyla Əliyevanın təşəbbüsü ilə bütün dünyada aparılan “Xocalıya ədalət” kampaniyası çərçivəsində formalaşdırılıb.
Azərbaycanın peşəkar boksçusu Fariz Məmmədov müayinə üçün Vyanada olarkən komandanın üzvləri ilə görüşüb. Görüşdə F.Məmmədovun komandanın fəxri məşqçisi seçilməsi qərara alınıb.
Qeyd edək ki, “Xocalı” komandası “İron Fist Gym” klubunun direktoru Bülənt Sağlam, Xocalı Azərbaycan Akademik Assosiasiyasının idarə heyətinin üzvü və sabiq baş katibi Ramin Şükürov və assosiasiyanın üzvü Emil Musayevin təşəbbüsü ilə yaradılıb.
qol.az