`Atletiko` və `Sportinq`dən qələbə (YENİLƏNİB)

 

Avropa Liqasında yarımfinal mərhələsinə start verilib. Korner.az-ın məlumatına görə, bu mərhələyə vəsiqə əldə etmiş 4 komandadan 3-ü İspaniyanı təmsil edir.

Portuqaliyanın "Sportinq" klubu doğma azarkeşləri önündə turnirin favoritlərindən olan "Atletik" (Bilbao) ilə üz-üzə gəlib. İlk hissəsi qolsuz başa çatan oyunun ikinci yarısında azarkeşlər 3 qola şahidlik ediblər.

Lissabon təmsilçisi vacib oyundan qələbə ilə ayrılmağı bacarıb – 2:1.

Günün digər matçı isə iki ispan klubu qarşılaşıb. Madridin "Atletiko" klubu öz meydanında "Valensiya"nı qonaq edib. Altı qolun vurulduğu matçda meydan sahibləri 4:2 hesabı ilə qalib gəlib.

Avropa Liqası, yarımfinal mərhələsi

19 aprel

00:05. "Atletiko" (İspaniya) – "Valensiya" (İspaniya) 4:2 

Qollar: Falkao, 18; 78; Miranda, 49; Adrian, 54 // Yonas, 45; Koşta, 90+2

00:05. "Sportinq" (Portuqaliya) – "Atletik" (İspaniya) 2:1

Qollar: İnsua, 76; Kapel, 80 // Aurteneçe, 54