Madrid "Atletiko"sunun türk futbolçusu Arda Turanın növbəti mövsümdəki klubu "Barselona" olacaq.
Korner.az-ın Türkiyə mətbuatına istinadən verdiyi məlumata görə,"Atletiko"(Madrid) forması ilə əla bir sezon keçirən futbolçunun dünya nəhəngi "Barselona" ilə anlaşdığı bildirilir.
Son günlər adı bir sıra Avropa nəhəngləri ilə çəkilən və "Atletiko"da gələcəyi ən çox maraq dairəsində olan futbolçulardan biri də Arda Turan idi.La Liqada çempionluq qazanan,Çempionlar Liqasının finalında Madrid "Real"ına məğlub olan "Atletiko"(Madrid)in futbolçusu Arda üçün "Mançester Yunayted","Monako" və "Barselona"nın "elçi" düşdüyü barədə məlumat verilmişdi.Ardanın Kataloniya klubunu seçdiyi bildirilir.
Qeyd edək ki,Arda Turanın meneceri Ahmet Bulut bunun üçün "Barselona" klubunun rəhbərliyi ilə masa arxasına oturub.Görüşmələri təsdiqləyən Bulut Kataloniya kulubunun Ardanın transferi üçün 41 milyon avronu ödəməyə hazır olduğunu ifadə edib.Ancaq Ardanın getməsi üçün "Atletiko"(Madrid)in icazəsini gözləyəcəyi və hər iki klubun razılıq əldə edəcəyi təqdirdə "Barselona"ya gedəcəyi bildirilib.
