Abbasov hakimi təhqir etdi
Bu gün AFFA İntizam Komitəsinin növbəti iclası keçirilib.
Korner.az-ın məlumatına görə, İK əvəzedici heyətlərin çempionatının XIII turunda qeydə alınan qayda pozuntularına hüquqi qiymət verib.
“Rəvan” – AZAL matçının 71-ci dəqiqəsində AZAL-ın futbolçusu Yasin Abbasov hakimi təhqir etdiyinə görə birbaşa qırmızı vərəqə alıb. Bu səbəbdən futbolçu 4 oyunluq cəzalandırılıb, klubu 2000 manat cərimə edilib.
“Sumqayıt”ın “Neftçi” ilə oyunda 5, “Xəzər Lənkəran”ın “Bakı”, “Qəbələ”nin isə “Kəpəz”lə matçda 4 futbolçusu sarı vərəqə alıb. Bu səbəbdən hər üç klubu 500 manat cərimələnib.