"Simurq" klubunun azarkeşi İnqilab Soltanov komandanın dağılmaması üçün əlindən gələni edir.
Korner.az-ın məlumatına görə, sabiq fanat Zaqatalada futbolun yaşaması üçün Prezidentə məktub yazıb:
"Cənab Prezident İlham Əliyev, mən Azərbaycan vətəndaşı, Zaqatala sakini İnqilab Soltanov inaniram ki, siz bütün saytları və mediyanı oxuyursunuz. Əlacım hər yerdən üzüldüyü üçün bir Azərbaycan vətəndaşı kimi sizə müraciət edirəm və inanıram ki, siz 120 minlik Zaqatala əhalisinə edilən haqsəzlığa son qoyacaqsınız və gunahkarları cəzalandiracaqsiniz. Məsələ burasındadır ki, dünən başda AFFA rəhbərliyi olmaqla bəzi futbol adamları Zaqatala futbolunu kökündən məhv etdilər. Biz zaqatalalıları Azərbaycan futbolundan xaric etdilər. Hal-hazırda 300-350 zaqatalalı övladlarımız futbolsuz qaldı. AFFA deyir ki, maliyə problemləri ilə əlaqədar Zaqatalanın "Simurq" klubu failiyyətini dəyandırdı və tarixə qovuşdu. Mən bir vətəndaş kimi bunu AFFA və PFL rəsmilərinin Zaqatala idmanının inkişafına olan xəyanət kimi dəyərləndirirəm. Əgər ölkəmizdə maliyə problemi varsa, onda necə olur ki, Baki şəhərində 7 klub fəaliyyət göstərir və Azərbaycan çempionatında iştirak edir. Bir vətəndaş kimi başa düşə bilmirəm ki, Azərbaycan futbolu tək Bakı şəhərindən ibarət olmalıdır? Bəs biz Zaqatala əhalisinin futbolla yaşayıb sevinməyə haqqımız yoxdur? Axi hamı kimi biz də Azərbaycan torpağının övladlarıyıq. Bizim də balalarımızın idmanla məşğul olmağa haqqı var. Ancaq Bakıda yerləşən və futbolumuzun başında əyləşən bəzi qüvvələr Zaqatala futbolunu kökundən məhv etdilər. Cənab Prezident İlham Əliyev, bir Azərbaycan vətəndaşı kimi sizdən artiq dərəcədə xahiş edirəm, hətta sizə yalvarıram Zaqatalada futbolun yaşaması üçün bizə dəstək olun. Biz Zaqatala əhalisi inanırıq ki, siz bizə qarşı olan haqsızlıq edən şəxsləri cəzalandiracaqsiz və Zaqatalada futbolun yaşamasına öz köməkliyinizi göstərəcəksiz. Mən inaniram ki, sizin bir sözunuz bəs edər ki Zaqatalada böyuk futbol yaşasın. Cənab Prezident İlham Əliyev bizim bütün umudlərimiz sizədi. Biz inanırıq ki, siz lazım olan qrumlara göstəriş verib 120 minlik Zaqatala əhalisini sevindirəcəksiz. Hörmətlə, Zaqatala sakini İnqilab Soltanov"
