AZAL PFL-ə mürəciət edərək Topaz Premyer Liqasının XVI turunun AZAL – “Rəvan” matçınının 90+2-ci dəqiqəsində Xuan Fransiskoya göstərilmiş sarı vərəqənin səhvən matçın protokolunda Oskar Klavanın adına qeyd edildiyini bildirib.
Korner.az-ın məlumatına görə, İntizam Komitəsinin üzvləri matçın videoyazısını izlədikdən sonra həqiqətən də sarı vərəqənin Xuan Fransiskoya verildiyini aşkarlayıb.
Bu səbəbdən AZAL – “Rəvan” matçınının protokolunda AZAL-ın futbolçusu Oskar Klavaya yazılmış sarı vərəqə onun adından silinib və klubun digər futbolçusu Xuan Fransiskonun adına yazılıb. İntizam Komitəsi Hakimlər Komitəsinə matçın hakimləri haqqında lazımi ölçü götürüb, İntizam Komitəsinə məlumat verməyi tapşırıb.
Qeyd edək ki, XVI tur çərçivəsində baş tutan AZAL – “Rəvan” ötən ilin 8 dekabrında – təxminən 2 ay əvvəl baş tutub (2:1). Qarşılaşmanı Orxan Məmmədov, Knyaz Əmiraslanov, Coşqun Həsənov və Sərxan İsmayılovdan ibarət hakimlər briqadası idarə edib.
