Çimrəlik futbolu üzrə milli komandamıza yeni baş məşqçi təyin olunub.
Korner.az-ın AFFA-nın saytına istinadən məlumatına görə, bu posta portuqaliyalı mütəxəssis Joze Migel Mateuş gətirilib.
Onun qarşısına yığmanı 2015-ci ildə Bakıda təşkil olunacaq I Avropa Oyunlarına yüksək səviyyədə hazırlamaq tapşırığı qoyulub.
Bu gün AFFA-nın inzibati binasında baş katib Elxan Məmmədovla yeni baş məşqçi arasında görüş keçirilib. Çimərlik Futbolu Federasiyasının prezidenti Fərid Novruzinin də iştirak etdiyi görüşdə millinin indiki vəziyyəti, potensialı və qarşıdakı turnirlərə hazırlıq planları müzakirə olunub. Məmmədov sonda portuqaliyalı mütəxəssisə yeni işində uğurlar arzulayıb.
Mateuşadək çimərlik futbolu üzrə yığma komandanın baş məşqçisi Bəhram Hətəmov idi.
