Abdullah Zubir: “Mən necə gəldi zərbə vurmuram”
26.08.2019 , 00:56
“Qarabağ”ın futbolçusu Abdullah Zubir Premyer Liqanın II turunda “Qəbələ”yə 3:0 hesabı ilə qalib gəldikləri matçdan sonra jurnalistlərə müsahibə verib.
Korner.az xəbər verir ki, futbolçu oyunla bağlı fikirlərini bildirib:
– Gözlənildiyimi kimi, asan matç olmadı, “Qəbələ” bizi arxa xəttdə qarşılayırdı. İlk qolu vurandan sonra daha çox boşluqlar tapdıq və öz oyunumuzu göstərməyə başladıq.
– Avropa Kuboklarında çox qol epizodları yaratsan da, fərqlənə bilmirdin. Bu gün uzaqdan zərbədən sonra rəqib toru silkələdin. Niyə zərbə vurmaqdan çəkinirsən?
– Mən Avropa Kuboklarında da kifayət qədər zərbə vurmuşam. İstəsəniz, statistikalara nəzər yetirə bilərsiniz. Bilirsiniz, mən necə gəldi zərbə vurmuram.
– “Linfild”ə məğlubiyyətiniz gözlənilməz oldu. Niyə uduzdunuz? 1:3 hesabı ilə uduzsaydınız belə, Bakıda mərhələ keçəcəyinizi düşünürdünüz?
– Rəqib sadə komanda deyil. Bizim xeyli qol şanslarımız oldu, elə onların da. Hesab 3:1 olsaydı, bizim üçün daha çətin olacaqdı. Özümüzə inanırıq.
– “Genqam”a transfer məsələn nə yerdədir? İddia edilir ki, “Qarabağ” səni bir milyon avroya satmaq istəmir.
– Mən “Qarabağ”ın futbolçuyam, müqaviləm var. Bu, klubun işidir. Danışmağım düz olmaz.
– Ürəyin “Qarabağ” eşqi ilə döyünür?
– Mən burdayam.
– “Qarabağ”la Avropa Liqasında oynamaq yaxşıdır, yoxsa Fransanın II Liqasında?
– Axı mən dedim, “Qarabağ”ın futbolçusuyam. Mən burada özümü xoşbəxt hiss edirəm