Topaz Premyer Liqasında XII turun “Qarabağ” – “Sumqayıt” (2:0) oyunundan sonra keçirilən mətbuat konfransında qonaq komandanın baş məşqçisi Samir Abasov jurnalistlərin matç barədə fikirlərini bildirdi:
“Rəqibi təbrik edirəm. 10 nəfərlə qalsalar da, layiqli qələbə qazandılar. Deməyə çox söz yoxdu. Yəqin ki, nələrisə düz eləmədik. “Qarabağ” kimi komandaya qaşrı oynamağa hazır deyilik. Bu oyun bir daha vu fikri təsdiqlədi. Uduzduğumuz çox məsələ var. Bacardığımız və edə biləcəyimiz bu idi. Rəqib öz ustalıq səviyyəsiylə qələbə qazandı. Bütün oyun boyu nəzarət etdilər. Mübarizə aparmağa çalışırdıq. Bunu da bacarmadıq. Bəlkə də rəqibin adından çəkindik. Oyunumuz heç də yaxşı alınmadı. Rəqib azlıqda qalandan sonra başqa cür oynamalıydıq. Azərbaycan futbolun reallığı budu. “Qarabağ”dan turnir cədvəlində çox uzaq olmasaq da, komandalar arasındakı fərq meydançada özünü göstərdi”.
